歐霸盃4強次回合，德甲嘅弗賴堡主場迎戰葡超嘅布拉加，首回合弗賴堡「臨尾香」輸1比2，不過今場返主場就唔同講法。弗賴堡喺歐洲賽主場擁有近乎完美成績，而且今場陣容齊整，力爭首次闖入歐戰決賽戰意十足，捧主勝穩陣。

（Now 639周五凌晨3時直播）

弗賴堡喺德甲排第7位，實力唔差，雖然近期走勢麻麻，但佢哋注意力明顯放咗喺歐霸盃身上。弗賴堡雖然落後緊，但主場威力相當有保證，今屆歐霸盃6場主場全勝，而且只係失過2球；計埋上屆近11場歐洲賽主場10勝1和，唯一嗰場和波都喺加時賽贏埋，主場信心爆棚。

布拉加防線曳多失波
布拉加首回合驚險絕殺弗賴堡，不過佢哋作客表現不穩，防守亦經常出現錯漏，要守住領先優勢唔容易，對上兩圈作客賽事都失2球，近6場比賽5場有失波，要抵擋弗賴堡進攻並唔容易，撐弗賴堡主勝好路。