拜仁慕尼黑隨住柏連拿同阿歷山大柏夫洛域嘅傷出，德國中場孖寶甘美治及哥列斯卡已經4場各項賽事都正選，其中嘅考牌戰係主場對住巴黎聖日耳門，究竟呢一對中場仲有無希望？
　甘美治今季一路都站穩正選，每一個中場拍檔都試過，控球穩陣、傳送準繩依然係佢嘅賣點，對聖日耳門嘅時候，上半場正正就係憑佢嘅長傳，送到畀利萊辛尼爭啲可以先開紀錄。但係有時甘美治就係穩陣得滯，拖慢晒整個中場節奏，加上運動能力不足，回身慢一直係佢死症，所以佢嘅拍檔一定要覆蓋範圍夠廣泛。

哥列斯卡表現平庸

哥列斯卡係對聖日耳門嘅表現真係麻麻哋，後上入禁區呢招以往嘅殺着好似消失咗，控制節奏又做唔到，真係沉沉哋，唔怪之得季初嘅時候佢曾經要後備入替踢中堅，不過佢防守亦都幫助唔到甘美治，呢場歐聯賽事一共輸咗8次搶奪，係兩隊波所有上陣球員中最多，所以如果柏連拿柏夫或洛域傷癒復出嘅話，哥列斯卡應該都係爭唔贏正選。

睇嚟呢甘美治同哥列斯卡呢對「6+8」組合都係唔會行得遠，拜仁一代嘅德國中場孖寶真係要拆夥了。Willhappy