愛華頓主場再採守「細」

軍情

愛華頓上仗聯賽仍排「4-2-3-1」陣式，但箭頭改用布查，連士唐、伊利文尼戴耶及杜哥利後上支援攻堅。球隊全場被圍攻，布查上半場已由卡維特利雲入替；新人哈利遜岩士唐半場亦入替防中奧利爾文加拉，但起色不大。門將比克福特全場作出7次撲救，但最終仍要尾段失守，敗走而回。球隊上仗英足盃已易帥，並靠比圖比東卡及伊利文尼戴耶入波，輕鬆過關。

阿士東維拉上仗聯賽佔盡上風，但戰至下半場由中場巴克里及里安拜尼，各建一功，險勝對手；但付出不少代價，隊長中場約翰麥甘尼一早傷出，積及藍斯今場將會擔正。中場好手阿馬度奧拿拿，聯賽將重返正選，平衡攻守。兩大中堅迪亞高卡路士及柏奧托斯養傷，狀態平平的泰朗明斯，仍會續受重用。前鋒殺手祖漢杜蘭繼續停賽。

愛華頓
受傷：杜韋麥尼爾（中場）
停賽：／

阿士東維拉
受傷：柏奧托利斯（後衛）、約翰麥甘尼（中場）、迪亞高卡路士（後衛）
停賽：祖漢杜蘭（前鋒）

近況

愛華頓上仗聯賽死守下，最終0比1敗走般尼茅夫，近5場聯賽不勝只得3分入1球；主場火力亦弱，踢法長期保守，今場易帥後首次在聯賽出擊，仍會穩守博突擊。阿士東維拉上仗聯賽主場2比1氣走李斯特城，表現未夠說服力；球隊受主力傷、停影響，近期戰績反覆，單計聯賽作客已5連敗只入2球，今場亦不值支持，寧取「入球」細。

往績

雙方近3次交手，勝和負各1；阿士東維拉上次勝3比2。